ESTHER PRIETO

NA VENTANA DE CASA

Na ventana de casa, pensatible,
barruntes los díes que falten por llegar.
El reló del tiempu martillea,
morosu, el requeru esgayáu de la to vida.
Estelada, retires del zimbru la mirada
que, lenta, vas posar al centru esactu de la sala:
na mesa de cristal apilen rescualdos,
nin calmos nin serenos, d'aquello que yá nun yes,
de tolo que vas perdiendo.